mat puchhiye kya jitne nikla tha main ghar se

mat pūchhiye kyā jītne niklā thā maiñ ghar se

mat pūchhiye kyā haar ke lauTā huuñ safar se

kuchh maiñ bhī girāñ-gosh thā sun hī nahīñ paayā

kuchh vaqt bhī guzrā hai dabe paañv idhar se

kal raat bhī thā chaudhvīñ kā chāñd falak par

kal raat bhī ik qāfila niklā thā khañDar se

ik abr kā TukḌā hai parinda hai ki tū hai

ye kaun hai jo roz guzartā hai idhar se

kyā jaane mujhe taḳht-e-sulaimāñ kahāñ le jaa.e

jhapkī hī nahīñ aañkh mirī ḳhvāb ke Dar se

dekhā to kisī aañkh meñ hairat bhī nahīñ thī

ḳhālī thā mirā khel bhī har kaif-o-asar se

sūraj ke ta.āqub meñ huā vo bhī tah-e-āb

ik shaḳhs 'ziyā' saath thā hangām-e-sahar se

mat puchhiye kya jitne nikla tha main ghar se

mat puchhiye kya haar ke lauTa hun safar se

kuchh main bhi giran-gosh tha sun hi nahin paya

kuchh waqt bhi guzra hai dabe panw idhar se

kal raat bhi tha chaudhwin ka chand falak par

kal raat bhi ek qafila nikla tha khanDar se

ek abr ka TukDa hai parinda hai ki tu hai

ye kaun hai jo roz guzarta hai idhar se

kya jaane mujhe taKHt-e-sulaiman kahan le jae

jhapki hi nahin aankh meri KHwab ke Dar se

dekha to kisi aankh mein hairat bhi nahin thi

KHali tha mera khel bhi har kaif-o-asar se

suraj ke taaqub mein hua wo bhi tah-e-ab

ek shaKHs 'ziya' sath tha hangam-e-sahar se