mat tang ho kare jo falak tujhko tang-dast

mat tañg ho kare jo falak tujh ko tañg-dast

āhista khīñchiye jo dabe zer-e-sañg dast

gaahe hinā se gaah mire ḳhuuñ se surḳh ho

sau sau tarah se is ke dikhāte haiñ rañg dast

detā hai kaf se daulat-e-pā-bos sham.a kī

ro degā sar pe dhar ke phir āḳhir patañg dast

bhar aañkh tujh ko ġhair ne dekhā to phir mire

leveñge uñgliyoñ hī se kār-e-ḳhadañg dast

juz kusht-o-ḳhūn be-gunahāñ āstīñ se tū

bāhar nikāltā hai kab ai ḳhāna-jañg dast

muft us ke haath ab jo 'baqā' sā lage shikār

phir kab kare qusūr ye charḳh-e-palañg dast

mat tang ho kare jo falak tujh ko tang-dast

aahista khinchiye jo dabe zer-e-sang dast

gahe hina se gah mere KHun se surKH ho

sau sau tarah se is ke dikhate hain rang dast

deta hai kaf se daulat-e-pa-bos shama ki

ro dega sar pe dhar ke phir aaKHir patang dast

bhar aankh tujh ko ghair ne dekha to phir mere

lewenge ungliyon hi se kar-e-KHadang dast

juz kusht-o-KHun be-gunahan aastin se tu

bahar nikalta hai kab ai KHana-jang dast

muft us ke hath ab jo 'baqa' sa lage shikar

phir kab kare qusur ye charKH-e-palang dast