mataa-e-jurat-e-dil waqf-e-yak-nigah-e-karam

matā.a-e-jur.at-e-dil vaqf-e-yak-nigāh-e-karam

vajūd be-sar-o-sāmāñ rahīn-e-mulk-e-adam

ḳhayāl-e-āriz-e-tābān-o-qalb ḳhūñ-gashta

shuā-e-mahr-e-daraḳhshāñ kī zad pe hai shabnam

vo mere jazb kā aalam vo ek na.ara-e-hū

ki jis se kaañp ga.e bām-hā-e-dair-o-haram

mirī hikāyat-e-hastī mirā ye qissa-e-shauq

hai mājrā-e-junūñ dāstān-e-hads-o-qadam

hai barmalā dil-e-āshiq pe rāz-e-kun-fa-yakūn

yahī hai un ke gadāoñ ko misl-e-sāġhar-e-jam

sunā hai ahl-e-junūñ vaqt se bhī tez ga.e

haiñ sabt sīna-e-ayyām par nuqūsh-e-qadam

chamak rahā hai nigāhoñ meñ aaj tak ḳhanjar

na pūchhiye kisī bismil ke shauq kā aalam

aḳhīr rasm bhī shahr-e-vafā kī ḳhatm huī

dahān-e-zaḳhm pe koī na rakh sakā marham

kisī ko yaad nahīñ 'barq' aniis kā misrā

ḳhayāl-e-ḳhātir-e-ahbāb chāhiye har-dam

mataa-e-jurat-e-dil waqf-e-yak-nigah-e-karam

wajud be-sar-o-saman rahin-e-mulk-e-adam

KHayal-e-ariz-e-taban-o-qalb KHun-gashta

shua-e-mahr-e-daraKHshan ki zad pe hai shabnam

wo mere jazb ka aalam wo ek nara-e-hu

ki jis se kanp gae baam-ha-e-dair-o-haram

meri hikayat-e-hasti mera ye qissa-e-shauq

hai majra-e-junun dastan-e-hads-o-qadam

hai barmala dil-e-ashiq pe raaz-e-kun-fa-yakun

yahi hai un ke gadaon ko misl-e-saghar-e-jam

suna hai ahl-e-junun waqt se bhi tez gae

hain sabt sina-e-ayyam par nuqush-e-qadam

chamak raha hai nigahon mein aaj tak KHanjar

na puchhiye kisi bismil ke shauq ka aalam

aKHir rasm bhi shahr-e-wafa ki KHatm hui

dahan-e-zaKHm pe koi na rakh saka marham

kisi ko yaad nahin 'barq' anis ka misra

KHayal-e-KHatir-e-ahbab chahiye har-dam