matin chehra nigah dard-ashna na lage

matīn chehra nigah dard-āshnā na lage

ḳhudā kare ki tujhe merī badduā na lage

kisī jarāhat-e-tāza kā muntazir hai dil

chale ḳhadang-e-jafā dosto nishāna lage

vo shaah ho ke bhī shāhī vaqār se mahrūm

maiñ vo gadā jo gadā ho ke bhī gadā na lage

jo irtiqā ke manāzil haiñ jāntā huuñ maiñ

mujhe to sang bhī insān se judā na lage

batā sako to batāo ki haal kyā hogā

gadā ke haath kabhī gar koī ḳhazāna lage

'valī' ko aap 'valī' kahte haiñ 'valī' hogā

magar mujhe to vo kuchh aisā pārsā na lage

matin chehra nigah dard-ashna na lage

KHuda kare ki tujhe meri baddua na lage

kisi jarahat-e-taza ka muntazir hai dil

chale KHadang-e-jafa dosto nishana lage

wo shah ho ke bhi shahi waqar se mahrum

main wo gada jo gada ho ke bhi gada na lage

jo irtiqa ke manazil hain jaanta hun main

mujhe to sang bhi insan se juda na lage

bata sako to batao ki haal kya hoga

gada ke hath kabhi gar koi KHazana lage

'wali' ko aap 'wali' kahte hain 'wali' hoga

magar mujhe to wo kuchh aisa parsa na lage