matlab pata nahin tha batane chale gae

matlab patā nahīñ thā batāne chale ga.e

ham 'ishq karke 'ishq nibhāne chale ga.e

ham ne nazar ko apnī Tikāyā thā chāñd par

phir ḳhvāb le ke chāñd ko paane chale ga.e

us ko ajab se haal meñ dekhā thā ek din

mausam se phir ye rañg suhāne chale ga.e

ab peḌ ḳhud kī chhāñv meñ baiThā hai rāt-din

sab log duur shahr kamāne chale ga.e

ham jaisā koī 'ishq meñ majnūñ nahīñ bane

lailā ko us ke ghar pe bulāne chale ga.e

ham se to dushmanī bhī na ho paa.ī Thiik se

Thokar lagī jo tujh ko uThāne chale ga.e

majbūriyoñ ne mujh ko badal kar ke rakh diyā

tevar mirī zabāñ se purāne chale ga.e

matlab pata nahin tha batane chale gae

hum 'ishq karke 'ishq nibhane chale gae

hum ne nazar ko apni Tikaya tha chand par

phir KHwab le ke chand ko pane chale gae

us ko ajab se haal mein dekha tha ek din

mausam se phir ye rang suhane chale gae

ab peD KHud ki chhanw mein baiTha hai raat-din

sab log dur shahr kamane chale gae

hum jaisa koi 'ishq mein majnun nahin bane

laila ko us ke ghar pe bulane chale gae

hum se to dushmani bhi na ho pai Thik se

Thokar lagi jo tujh ko uThane chale gae

majburiyon ne mujh ko badal kar ke rakh diya

tewar meri zaban se purane chale gae