mauj-dar-mauj hawaon se bacha launga

mauj-dar-mauj havāoñ se bachā lā.ūñgā

ḳhud ko maiñ dasht ke panjoñ se chhuḌā lā.ūñgā

hausla rakhiye maiñ sahrā se palaT ā.ūñgā

zarre zarre se mohabbat kā pata lā.ūñgā

mere hāthoñ kī lakīroñ meñ jo haiñ uljhe hue

un hī gesū ke liye phuul bachā lā.ūñgā

tere māthe pe chamakte hue rañgoñ kī qasam

tire hoñToñ pe tarannum kī sadā lā.ūñgā

maiñ jo pāband-e-vafā huuñ tū vafā zinda hai

maiñ isī tarz-e-riyāzat kā sila lā.ūñgā

mausam-e-ḳhushk huā tez magar va.ada rahā

surḳh phūloñ ke liye nām-e-vafā lā.ūñgā

shab kī tanhā.ī meñ āñkhoñ se lahū Tapkegā

aise 'ālam' kī maiñ tasvīr banā lā.ūñgā

mauj-dar-mauj hawaon se bacha launga

KHud ko main dasht ke panjon se chhuDa launga

hausla rakhiye main sahra se palaT aaunga

zarre zarre se mohabbat ka pata launga

mere hathon ki lakiron mein jo hain uljhe hue

un hi gesu ke liye phul bacha launga

tere mathe pe chamakte hue rangon ki qasam

tere honTon pe tarannum ki sada launga

main jo paband-e-wafa hun tu wafa zinda hai

main isi tarz-e-riyazat ka sila launga

mausam-e-KHushk hua tez magar wada raha

surKH phulon ke liye nam-e-wafa launga

shab ki tanhai mein aankhon se lahu Tapkega

aise 'alam' ki main taswir bana launga