mauj-e-dariya ki tarah raqs-kunan rahte hain

mauj-e-dariyā kī tarah raqs-kunāñ rahte haiñ

ham se mat pūchhiye kis vaqt kahāñ rahte haiñ

dil kī betābiyāñ ma.ashūq nayā chāhtī haiñ

us taraf chal ki jahāñ māh-ruḳhāñ rahte haiñ

sar-bulandī hai muqaddar se amal se hāsil

haañ ta.āqub meñ to kotāh-qadāñ rahte haiñ

kaash ho jaa.e kabhī ham se koī kaar durust

zindagī meñ to bahut kār-e-ziyāñ rahte haiñ

ham ko patthar na samjhiye ki haiñ motī ham log

sab se chhup-chhup ke tah-e-āb-e-ravāñ rahte haiñ

jhuriyāñ jild pe aane se buzurgī kaisī

ham to andar kī harārat se javāñ rahte haiñ

mauj-e-dariya ki tarah raqs-kunan rahte hain

hum se mat puchhiye kis waqt kahan rahte hain

dil ki betabiyan mashuq naya chahti hain

us taraf chal ki jahan mah-ruKHan rahte hain

sar-bulandi hai muqaddar se amal se hasil

han taaqub mein to kotah-qadan rahte hain

kash ho jae kabhi hum se koi kar durust

zindagi mein to bahut kar-e-ziyan rahte hain

hum ko patthar na samjhiye ki hain moti hum log

sab se chhup-chhup ke tah-e-ab-e-rawan rahte hain

jhuriyan jild pe aane se buzurgi kaisi

hum to andar ki hararat se jawan rahte hain