mauj-e-gham-e-hayat sharabor kar gai

mauj-e-ġham-e-hayāt sharābor kar ga.ī

ḳhāmosh dhaḌkanoñ meñ baḌā shor kar ga.ī

be-ḳhud sā ho gayā thā maiñ raqs-o-surūr meñ

aur us kī ham-navā.ī mujhe mor kar ga.ī

maiñ ho ke bā-vafā bhī to ik be-vafā rahā

nazroñ meñ merī mujh ko hī vo chor kar ga.ī

simTī sī laḌkī de ga.ī paiġhām āḳhirash

nāzuk kalā.ī us kī bhī kuchh zor kar ga.ī

mujh pe hayāt kaisā ye ehsān kar diyā

har faisla mirā tū lab-e-gor kar ga.ī

aañsū shab-e-firāq meñ ruk hī nahīñ sake

zabt-e-sadā ko merī vo kamzor kar ga.ī

'aslam' jo dard-e-jāñ thā vo jān-e-hayāt hai

nāzuk ye kaam rishte ko ik Dor kar ga.ī

mauj-e-gham-e-hayat sharabor kar gai

KHamosh dhaDkanon mein baDa shor kar gai

be-KHud sa ho gaya tha main raqs-o-surur mein

aur us ki ham-nawai mujhe mor kar gai

main ho ke ba-wafa bhi to ek be-wafa raha

nazron mein meri mujh ko hi wo chor kar gai

simTi si laDki de gai paigham aaKHirash

nazuk kalai us ki bhi kuchh zor kar gai

mujh pe hayat kaisa ye ehsan kar diya

har faisla mera tu lab-e-gor kar gai

aansu shab-e-firaq mein ruk hi nahin sake

zabt-e-sada ko meri wo kamzor kar gai

'aslam' jo dard-e-jaan tha wo jaan-e-hayat hai

nazuk ye kaam rishte ko ek Dor kar gai