mauj-e-hawa-e-shauq use paemal kar

mauj-e-havā-e-shauq use pā.emāl kar

rakkheñge ḳhāk-e-dil ko kahāñ tak sañbhāl kar

afsurda-dil na ho ye safar kī takān hai

do-chār ghūñT pī ke tabī.at bahāl kar

ye abr ye bahār ye tūfān-e-rang-o-bū

ai dost merī tishna-labī kā ḳhayāl kar

ye manzil-e-shabāb hai pur-pech-o-pur-ḳhatar

ai paikar-e-jamāl zarā dekh-bhāl kar

har ahl-e-dil kī merī taraf uTh ga.ī nazar

guzre vo yuuñ qarīb se dāman sañbhāl kar

ai 'shauq' maiñ ne nazm-o-ġhazal jab kabhī kahī

kāġhaz pe rakh diyā hai kaleja nikāl kar

mauj-e-hawa-e-shauq use paemal kar

rakkhenge KHak-e-dil ko kahan tak sanbhaal kar

afsurda-dil na ho ye safar ki takan hai

do-chaar ghunT pi ke tabiat bahaal kar

ye abr ye bahaar ye tufan-e-rang-o-bu

ai dost meri tishna-labi ka KHayal kar

ye manzil-e-shabab hai pur-pech-o-pur-KHatar

ai paikar-e-jamal zara dekh-bhaal kar

har ahl-e-dil ki meri taraf uTh gai nazar

guzre wo yun qarib se daman sanbhaal kar

ai 'shauq' main ne nazm-o-ghazal jab kabhi kahi

kaghaz pe rakh diya hai kaleja nikal kar