موج ہوائے شوق اسے پائمال کر

موج ہوائے شوق اسے پائمال کر

رکھیں گے خاک دل کو کہاں تک سنبھال کر

افسردہ دل نہ ہو یہ سفر کی تکان ہے

دو چار گھونٹ پی کے طبیعت بحال کر

یہ ابر یہ بہار یہ طوفان رنگ و بو

اے دوست میری تشنہ لبی کا خیال کر

یہ منزل شباب ہے پر پیچ و پر خطر

اے پیکر جمال ذرا دیکھ بھال کر

ہر اہل دل کی میری طرف اٹھ گئی نظر

گزرے وہ یوں قریب سے دامن سنبھال کر

اے شوقؔ میں نے نظم و غزل جب کبھی کہی

کاغذ پہ رکھ دیا ہے کلیجہ نکال کر