mauj-e-hawa se phulon ke chehre utar gae

mauj-e-havā se phūloñ ke chehre utar ga.e

gil ho ga.e charāġh gharauñde bikhar ga.e

peḌoñ ko chhoḌ kar jo uḌe un kā zikr kyā

paale hue bhī ġhair kī chhat par utar ga.e

yādoñ kī rut ke aate hī sab ho ga.e hare

ham to samajh rahe the sabhī zaḳhm bhar ga.e

ham jā rahe haiñ TūTte rishtoñ ko joḌne

dīvār-o-dar kī fikr meñ kuchh log ghir ga.e

chalte huoñ ko raah meñ kyā yaad aa gayā

kis kī talab meñ qāfile vaale Thahar ga.e

jo ho sake to ab ke bhī sāgar ko lauT aa

sāhil ke siip svاatī kī būñdoñ se bhar ga.e

ik ek se ye pūchhte phirte haiñ ab 'nizām'

vo ḳhvāb kyā hue vo manāzir kidhar ga.e

mauj-e-hawa se phulon ke chehre utar gae

gil ho gae charagh gharaunde bikhar gae

peDon ko chhoD kar jo uDe un ka zikr kya

pale hue bhi ghair ki chhat par utar gae

yaadon ki rut ke aate hi sab ho gae hare

hum to samajh rahe the sabhi zaKHm bhar gae

hum ja rahe hain TuTte rishton ko joDne

diwar-o-dar ki fikr mein kuchh log ghir gae

chalte huon ko rah mein kya yaad aa gaya

kis ki talab mein qafile wale Thahar gae

jo ho sake to ab ke bhi sagar ko lauT aa

sahil ke sip swاati ki bundon se bhar gae

ek ek se ye puchhte phirte hain ab 'nizam'

wo KHwab kya hue wo manazir kidhar gae