mauj-e-KHun josh mein thi apne qadam se pahle

mauj-e-ḳhūñ josh meñ thī apne qadam se pahle

koī aayā thā yahāñ dasht meñ ham se pahle

tuur be-nūr thā muusā ke qadam se pahle

kis ne dekhā hai tire husn ko ham se pahle

ḳhair guzrī ki junūñ vaqt pe kaam aa hī gayā

sañg-e-dar mil gayā mehrāb-e-haram se pahle

ham bhī kandhoñ pe uThā lā.eñge maqtal meñ salīb

kuchh ishāra to mile ahl-e-karam se pahle

tishnagī-e-lab-e-asġhar kā taqāzā thā 'razā'

varna talvār uThāte na qalam se pahle

mauj-e-KHun josh mein thi apne qadam se pahle

koi aaya tha yahan dasht mein hum se pahle

tur be-nur tha musa ke qadam se pahle

kis ne dekha hai tere husn ko hum se pahle

KHair guzri ki junun waqt pe kaam aa hi gaya

sang-e-dar mil gaya mehrab-e-haram se pahle

hum bhi kandhon pe uTha laenge maqtal mein salib

kuchh ishaara to mile ahl-e-karam se pahle

tishnagi-e-lab-e-asghar ka taqaza tha 'raza'

warna talwar uThate na qalam se pahle