mauj-e-saba rawan hui raqs-e-junun bhi chahiye

mauj-e-sabā ravāñ huī raqs-e-junūñ bhī chāhiye

ḳhema-e-gul ke paas hī dajla-e-ḳhūñ bhī chāhiye

kashmakash-e-hayāt hai sāda-diloñ kī baat hai

ḳhvāhish-e-marg bhī nahīñ zahr-e-sukūñ bhī chāhiye

zarb-e-ḳhayāl se kahāñ TuuT sakeñgī beḌiyāñ

fikr-e-chaman ke ham-rikāb josh-e-junūñ bhī chāhiye

naġhma-e-shauq ḳhuub thā ek kamī hai mutriba

shola-e-lab kī ḳhair ho soz-e-darūñ bhī chāhiye

itnā karam to kījiye bujhtā kañval na dījiye

zaḳhm-e-jigar ke saath hī dard-e-fuzūñ bhī chāhiye

dekhiye ham ko ġhaur se pūchhiye ahl-e-jaur se

rūh-e-jamīl ke liye hāl-e-zabūñ bhī chāhiye

mauj-e-saba rawan hui raqs-e-junun bhi chahiye

KHema-e-gul ke pas hi dajla-e-KHun bhi chahiye

kashmakash-e-hayat hai sada-dilon ki baat hai

KHwahish-e-marg bhi nahin zahr-e-sukun bhi chahiye

zarb-e-KHayal se kahan TuT sakengi beDiyan

fikr-e-chaman ke ham-rikab josh-e-junun bhi chahiye

naghma-e-shauq KHub tha ek kami hai mutriba

shola-e-lab ki KHair ho soz-e-darun bhi chahiye

itna karam to kijiye bujhta kanwal na dijiye

zaKHm-e-jigar ke sath hi dard-e-fuzun bhi chahiye

dekhiye hum ko ghaur se puchhiye ahl-e-jaur se

ruh-e-jamil ke liye haal-e-zabun bhi chahiye