maujud jo nahin wahi dekha bana hua
maujūd jo nahīñ vahī dekhā banā huā
āñkhoñ meñ ik sarāb hai dariyā banā huā
ik aur shaḳhs bhī hai mire naam kā yahāñ
ik aur shaḳhs hai mire jaisā banā huā
samjhā rahe ho mujh ko mirā irtiqā magar
dekhā nahīñ hai aadmī pahlā banā huā
ai inhimāk-e-chashm zarā ye mujhe batā
chāroñ taraf zamīn pe hai kyā banā huā
karne lagā hai tanz mire nisf aks par
mujh meñ jo ek shaḳhs hai puurā banā huā
pahle kisī kī aañkh ne pāgal kiyā mujhe
ab huuñ kisī nazar kā tamāshā banā huā
khultī nahīñ haiñ tujh pe hī uryāniyāñ tirī
'āsim' tirā libās hai achchhā banā huā
maujud jo nahin wahi dekha bana hua
aankhon mein ek sarab hai dariya bana hua
ek aur shaKHs bhi hai mere nam ka yahan
ek aur shaKHs hai mere jaisa bana hua
samjha rahe ho mujh ko mera irtiqa magar
dekha nahin hai aadmi pahla bana hua
ai inhimak-e-chashm zara ye mujhe bata
chaaron taraf zamin pe hai kya bana hua
karne laga hai tanz mere nisf aks par
mujh mein jo ek shaKHs hai pura bana hua
pahle kisi ki aankh ne pagal kiya mujhe
ab hun kisi nazar ka tamasha bana hua
khulti nahin hain tujh pe hi uryaniyan teri
'asim' tera libas hai achchha bana hua
- Book : Lafz Mehfooz Kar Liye Jaayen (Pg. 64)
- Author :Asim Wasti
- Publication : Rekhta Publications (2020)
- Edition : 2nd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
