mauqa-e-yas kabhi teri nazar ne na diya

mauqa.a-e-yās kabhī terī nazar ne na diyā

shart jiine kī lagā dī mujhe marne na diyā

kam se kam maiñ ġham-e-duniyā ko bhulā saktā thā

par tirī yaad ne ye kaam bhī karne na diyā

terī ġham-ḳhvār nigāhoñ ke tasadduq ki mujhe

ġham-e-hastī kī bulandī se utarne na diyā

vo tirī surḳhī-e-āriz ki qarīb aa na sakī

rañg jis fikr ko bhī ḳhūn-e-jigar ne na diyā

husn-e-ham-dard tirā ham-safar-e-shauq rahā

mujh ko tanhā kisī manzil se guzarne na diyā

kitnī ḳhush-zauq hai terī nigah-e-bāda-farosh

ḳhālī rahne na diyā jaam ko bharne na diyā

mauqa-e-yas kabhi teri nazar ne na diya

shart jine ki laga di mujhe marne na diya

kam se kam main gham-e-duniya ko bhula sakta tha

par teri yaad ne ye kaam bhi karne na diya

teri gham-KHwar nigahon ke tasadduq ki mujhe

gham-e-hasti ki bulandi se utarne na diya

wo teri surKHi-e-ariz ki qarib aa na saki

rang jis fikr ko bhi KHun-e-jigar ne na diya

husn-e-ham-dard tera ham-safar-e-shauq raha

mujh ko tanha kisi manzil se guzarne na diya

kitni KHush-zauq hai teri nigah-e-baada-farosh

KHali rahne na diya jam ko bharne na diya