mausam-e-gul hai ghaTa hai jam hai

mausam-e-gul hai ghaTā hai jaam hai

intizār-e-sāqī-e-gulfām hai

ek saaqī ek mai ik jaam hai

phir ye kaisā farq-e-ḳhās-o-ām hai

ġham to hai is vāste mujh ko aziiz

ye tirā baḳhshā huā in.aam hai

kyā sabab hai jalva-gāh-e-husn meñ

jis ko dekho banda-e-be-dām hai

maut ne aa kar mudāvā kar diyā

ab tire bīmār ko ārām hai

jaan to ḳhud aa ke parvānoñ ne dī

sham.a par be-kār hī ilzām hai

toḌ Daalā us ne paimān-e-vafā

ḳhvāhish-e-dil ab tirā kyā kaam hai

pesh aatā hai muqaddar kā likhā

gardish-e-daurāñ abas badnām hai

hādsoñ se kaisā ghabrānā 'nasīr'

zindagī to hādsoñ kā naam hai

mausam-e-gul hai ghaTa hai jam hai

intizar-e-saqi-e-gulfam hai

ek saqi ek mai ek jam hai

phir ye kaisa farq-e-KHas-o-am hai

gham to hai is waste mujh ko aziz

ye tera baKHsha hua inam hai

kya sabab hai jalwa-gah-e-husn mein

jis ko dekho banda-e-be-dam hai

maut ne aa kar mudawa kar diya

ab tere bimar ko aaram hai

jaan to KHud aa ke parwanon ne di

shama par be-kar hi ilzam hai

toD Dala us ne paiman-e-wafa

KHwahish-e-dil ab tera kya kaam hai

pesh aata hai muqaddar ka likha

gardish-e-dauran abas badnam hai

hadson se kaisa ghabrana 'nasir'

zindagi to hadson ka nam hai