mausam-e-gul mein kam-nazar chunte rahe hain Khaar kya

mausam-e-gul meñ kam-nazar chunte rahe haiñ ḳhaar kyā

haath hai kyā lahū lahū dāman-e-tār-tār kyā

kār-e-gah-hayāt meñ jo hai sanam-tarāsh hai

aise sanam-kade meñ ho shaiḳh kā e.atibār kyā

ḳham ye sar-e-niyāz hai aur bhī mashq-e-nāz ho

ḳhūnīñ ho jis kī āstīñ us ko sitam meñ aar kyā

dete rahe the ham unheñ pās-e-vafā kā vāsta

itnī sī baat thī magar guzrī hai nāgavār kyā

maanā ki āstīn meñ lāt-o-hubal chhupe hue

phir bhī saf-e-namāz meñ shaiḳh hai bā-vaqār kyā

jaane qusūr kyā huā saaqī ne kyoñ uThā diyā

baiTh ke mai-kade meñ ham piite the musta.ār kyā

tā.ir-e-par-burīda ho 'manzar' agar qafas-nasīb

us kī nazar meñ kyā ḳhizāñ us ke liye bahār kyā

mausam-e-gul mein kam-nazar chunte rahe hain KHar kya

hath hai kya lahu lahu daman-e-tar-tar kya

kar-e-gah-hayat mein jo hai sanam-tarash hai

aise sanam-kade mein ho shaiKH ka eatibar kya

KHam ye sar-e-niyaz hai aur bhi mashq-e-naz ho

KHunin ho jis ki aastin us ko sitam mein aar kya

dete rahe the hum unhen pas-e-wafa ka wasta

itni si baat thi magar guzri hai nagawar kya

mana ki aastin mein lat-o-hubal chhupe hue

phir bhi saf-e-namaz mein shaiKH hai ba-waqar kya

jaane qusur kya hua saqi ne kyon uTha diya

baiTh ke mai-kade mein hum pite the mustaar kya

tair-e-par-burida ho 'manzar' agar qafas-nasib

us ki nazar mein kya KHizan us ke liye bahaar kya