mausam-e-gul mein nahin izzat-o-shan-e-waiz

mausam-e-gul meñ nahīñ izzat-o-shān-e-vā.iz

kaun is fasl meñ suntā hai bayān-e-vā.iz

duḳhtar-e-raz kī mazammat kā irāda to kare

khīñch luñgā abhī guddī se zabān-e-vā.iz

aaj rindān-e-qadah-nosh ko achchhī sūjhī

mai-kashī ke liye taakā hai makān-e-vā.iz

mausam-e-gul meñ jo suntā hūñ'' to maiñ kahtā huuñ

hai sadā-e-sag-e-dīvāna bayān-e-vā.iz

ġhūl-e-sahrā-e-sharī.at use batlā deñge

ham se pūchhe to koī nām-o-nishān-e-vā.iz

daur rindoñ kā hai chaltī hai shab-o-roz sharāb

ahd-e-qāzī hai na baaqī na zabān-e-vā.iz

qatl kar Dāliye har-dam ye ḳhayāl aatā hai

josh khātā hai lahū sun ke bayān-e-vā.iz

kabk kī tarah ye loTe abhī añgāroñ par

bhTiyāñ mai kī jo hoñ zahr-e-makān-e-vā.iz

shukr hai mausam-e-gul kā asar itnā to huā

mai-kada ab nazar aatā hai makān-e-vā.iz

badle dumbe ke kareñ riñd usī ko qurbān

īd-e-qurbāñ meñ jo sun paa.eñ bayān-e-vā.iz

'arsh' is fasl-e-junūñ meñ mire saude kī tarah

aur baḌh jaa.e ilāhī ḳhafaqān-e-vā.iz

mausam-e-gul mein nahin izzat-o-shan-e-waiz

kaun is fasl mein sunta hai bayan-e-waiz

duKHtar-e-raz ki mazammat ka irada to kare

khinch lunga abhi guddi se zaban-e-waiz

aaj rindan-e-qadah-nosh ko achchhi sujhi

mai-kashi ke liye taka hai makan-e-waiz

mausam-e-gul mein jo sunta hun to main kahta hun

hai sada-e-sag-e-diwana bayan-e-waiz

ghul-e-sahra-e-shariat use batla denge

hum se puchhe to koi nam-o-nishan-e-waiz

daur rindon ka hai chalti hai shab-o-roz sharab

ahd-e-qazi hai na baqi na zaban-e-waiz

qatl kar Daliye har-dam ye KHayal aata hai

josh khata hai lahu sun ke bayan-e-waiz

kabk ki tarah ye loTe abhi angaron par

bhTiyan mai ki jo hon zahr-e-makan-e-waiz

shukr hai mausam-e-gul ka asar itna to hua

mai-kada ab nazar aata hai makan-e-waiz

badle dumbe ke karen rind usi ko qurban

id-e-qurban mein jo sun paen bayan-e-waiz

'arsh' is fasl-e-junun mein mere saude ki tarah

aur baDh jae ilahi KHafaqan-e-waiz