mausam-e-hijrat mein jo apnon se begane rahe

mausam-e-hijrat meñ jo apnoñ se begāne rahe

vo shab-e-zulmat meñ kitne jaane pahchāne rahe

hosh vāloñ ko tamāshe dekhte hī muntazir

dil pe patthar rakh ke ham ik umr dīvāne rahe

fāteh-e-shab kī havas meñ raushnī pe mar miTe

ḳhud-kushī kī aaḌ meñ be-ḳhauf parvāne rahe

taj ke dar terā mirī āvārgī jaatī kahāñ

vo to kahiye shahr meñ be-laus mai-ḳhāne rahe

na hasīñ ḳhvāboñ kā mausam aur na gul kī aarzū

itnī māyūsī meñ bhī ham zindagī taane rahe

be-niyāz-e-dahr ho kar ishq ham karte rahe

aur zamāne ke laboñ par sirf afsāne rahe

ik nazar meñ luT gayā thā dil kā shahr-e-ārzū

zindagī meñ duur tak ḳhvāboñ ke vīrāne rahe

mausam-e-hijrat mein jo apnon se begane rahe

wo shab-e-zulmat mein kitne jaane pahchane rahe

hosh walon ko tamashe dekhte hi muntazir

dil pe patthar rakh ke hum ek umr diwane rahe

fateh-e-shab ki hawas mein raushni pe mar miTe

KHud-kushi ki aaD mein be-KHauf parwane rahe

taj ke dar tera meri aawargi jati kahan

wo to kahiye shahr mein be-laus mai-KHane rahe

na hasin KHwabon ka mausam aur na gul ki aarzu

itni mayusi mein bhi hum zindagi tane rahe

be-niyaz-e-dahr ho kar ishq hum karte rahe

aur zamane ke labon par sirf afsane rahe

ek nazar mein luT gaya tha dil ka shahr-e-arzu

zindagi mein dur tak KHwabon ke virane rahe