mausam-e-sang-o-rang se rabt-e-sharar kis ko tha

mausam-e-sañg-o-rañg se rabt-e-sharār kis ko thā

lahza-ba-lahza jal ga.ī dard-e-bahār kis ko thā

sarhad-e-āsmāñ ke paas jaal bichhe the har taraf

kis ne kiyā hameñ asiir shauq-e-shikār kis ko thā

shams o nujūm be-karāñ haft-falak nabard-gāh

raushniyoñ kī dauḌ meñ pā-e-farār kis ko thā

chashm-e-shafaq thī ḳhūñ-nashīñ chehra-e-shab thā teġh-e-tez

ḳhvāb paḌe the taar taar sabr-o-qarār kis ko thā

aaj se pahle ham sabhī samjhe the us ko barg-e-gul

tajraba-e-jalālat-e-rū-e-nigār kis ko thā

sāya-e-har-shajar meñ thā reñgte lamhoñ kā hujūm

ḳhaam ḳhayāl-e-gardish-e-lail-o-nahār kis ko thā

sāya-e-ablaq-e-shajar ghaat meñ chashm-e-nīm-vā

paañv jahāñ the jam ga.e hosh-e-farār kis ko thā

mausam-e-sang-o-rang se rabt-e-sharar kis ko tha

lahza-ba-lahza jal gai dard-e-bahaar kis ko tha

sarhad-e-asman ke pas jal bichhe the har taraf

kis ne kiya hamein asir shauq-e-shikar kis ko tha

shams o nujum be-karan haft-falak nabard-gah

raushniyon ki dauD mein pa-e-farar kis ko tha

chashm-e-shafaq thi KHun-nashin chehra-e-shab tha tegh-e-tez

KHwab paDe the tar tar sabr-o-qarar kis ko tha

aaj se pahle hum sabhi samjhe the us ko barg-e-gul

tajraba-e-jalalat-e-ru-e-nigar kis ko tha

saya-e-har-shajar mein tha rengte lamhon ka hujum

KHam KHayal-e-gardish-e-lail-o-nahaar kis ko tha

saya-e-ablaq-e-shajar ghat mein chashm-e-nim-wa

panw jahan the jam gae hosh-e-farar kis ko tha