mausam ki mar waqt ka koDa hai meri samt

mausam kī maar vaqt kā koḌā hai merī samt

ab jo bhī jis tarah bhī hai achchhā hai merī samt

sochūñ to sau malāl mujhe saañs saañs par

dekhūñ to ek aag kā dariyā hai merī samt

dariyā ke pakchhpāt pe ab kyā kaheñ ki jo

uthlā hai terī samt to gahrā hai merī samt

aisī udaas raat ki kaaTe nahīñ kaTe

bām-o-ufuq pe chhāyā añdherā hai merī samt

maiñ vo shajar huuñ jis kī sabhī pattiyoñ meñ chhed

maiñ vo kamāñ huuñ jis kā nishāna hai merī samt

āñkhoñ kā dasht ḳhvāb kī lapToñ se jal gayā

aur is ke bāvajūd jo sabza hai merī samt

ik raushnī jo fikr meñ utrī hai ġhaib se

ik baaġh lafz khulte hī mahkā hai merī samt

mausam ki mar waqt ka koDa hai meri samt

ab jo bhi jis tarah bhi hai achchha hai meri samt

sochun to sau malal mujhe sans sans par

dekhun to ek aag ka dariya hai meri samt

dariya ke pakchhpat pe ab kya kahen ki jo

uthla hai teri samt to gahra hai meri samt

aisi udas raat ki kaTe nahin kaTe

baam-o-ufuq pe chhaya andhera hai meri samt

main wo shajar hun jis ki sabhi pattiyon mein chhed

main wo kaman hun jis ka nishana hai meri samt

aankhon ka dasht KHwab ki lapTon se jal gaya

aur is ke bawajud jo sabza hai meri samt

ek raushni jo fikr mein utri hai ghaib se

ek bagh lafz khulte hi mahka hai meri samt