mausam ne ruKHsati jo sunai bahaar ki

mausam ne ruḳhsatī jo sunā.ī bahār kī

bhar aa.ī aañkh gul hī nahīñ ḳhaar ḳhaar kī

jaa.eñ to jaa.eñ bichhḌe hue log kis taraf

haiñ phuul naqsh-e-pā ke na ḳhushbū ġhubār kī

ik pal diloñ ke darmiyāñ qaa.em hai aaj tak

tūfāñ ne toḌne kī to koshish hazār kī

muddat se tak rahā hai mirī raah rozgār

ai ishq ḳhuub terī ravish iḳhtiyār kī

aksar haiñ dekhne meñ bahut ḳhushnumā magar

rishtoñ meñ ab mahak hai kahāñ e'tibār kī

phirtī hai mujh ko le ke na jaane kahāñ kahāñ

'fārūq' merī ḳhaak hai ye kis dayār kī

mausam ne ruKHsati jo sunai bahaar ki

bhar aai aankh gul hi nahin KHar KHar ki

jaen to jaen bichhDe hue log kis taraf

hain phul naqsh-e-pa ke na KHushbu ghubar ki

ek pal dilon ke darmiyan qaem hai aaj tak

tufan ne toDne ki to koshish hazar ki

muddat se tak raha hai meri rah rozgar

ai ishq KHub teri rawish iKHtiyar ki

aksar hain dekhne mein bahut KHushnuma magar

rishton mein ab mahak hai kahan e'tibar ki

phirti hai mujh ko le ke na jaane kahan kahan

'faruq' meri KHak hai ye kis dayar ki