mausam se rang-o-bu hain KHafa dekhte chalo

mausam se rañg-o-bū haiñ ḳhafā dekhte chalo

ye kyā chalī chaman meñ havā dekhte chalo

ambār har taraf haiñ añdheroñ ke ye durust

shāyad nahīñ ho āb-e-baqā dekhte chalo

taskīn-e-sumbul-o-gul-o-lāla ke vāste

kyā de rahī hai bād-e-sabā dekhte chalo

jitne the jāñ-nisār-e-chaman ba.ad-e-sub.h-e-nau

kuchh ajr bhī kisī ko milā dekhte chalo

asnām-e-zar ke paañv meñ Daale hue jabīñ

kitne haiñ bandagān-e-ḳhudā dekhte chalo

kis kis kā e'timād-e-vafā ho gayā shikast

kis kis ko husn se hai gilā dekhte chalo

'dānish' ko zid hai dair o haram bhī sahī magar

kis ko milā hai in kā patā dekhte chalo

mausam se rang-o-bu hain KHafa dekhte chalo

ye kya chali chaman mein hawa dekhte chalo

ambar har taraf hain andheron ke ye durust

shayad nahin ho aab-e-baqa dekhte chalo

taskin-e-sumbul-o-gul-o-lala ke waste

kya de rahi hai baad-e-saba dekhte chalo

jitne the jaan-nisar-e-chaman baad-e-subh-e-nau

kuchh ajr bhi kisi ko mila dekhte chalo

asnam-e-zar ke panw mein Dale hue jabin

kitne hain bandagan-e-KHuda dekhte chalo

kis kis ka e'timad-e-wafa ho gaya shikast

kis kis ko husn se hai gila dekhte chalo

'danish' ko zid hai dair o haram bhi sahi magar

kis ko mila hai in ka pata dekhte chalo