mausamon ki saKHtiyan

mausamoñ kī saḳhtiyāñ

al-hafīz-o-al-amāñ

bevafā hai ye jahāñ

aage tum jaano miyāñ

shahr meñ do-chār the

kyā hue āshuftagāñ

ab koī musbat amal

kab talak āh-o-fuġhāñ

ek sahrā-e-basīt

tere mere darmiyāñ

rahm se aarī zamīñ

aur nārāz āsmāñ

kyoñ uThā.eñ zillateñ

kis ko rahnā hai yahāñ

uḌ rahī haiñ chaar sū

zindagī kī dhajjiyāñ

ma.arka hai sher-goī

sahl mat jaano miyāñ

phir vahī kāġhaz qalam

phir vahī kār-e-ziyāñ

mausamon ki saKHtiyan

al-hafiz-o-al-aman

bewafa hai ye jahan

aage tum jaano miyan

shahr mein do-chaar the

kya hue aashuftagan

ab koi musbat amal

kab talak aah-o-fughan

ek sahra-e-basit

tere mere darmiyan

rahm se aari zamin

aur naraaz aasman

kyon uThaen zillaten

kis ko rahna hai yahan

uD rahi hain chaar su

zindagi ki dhajjiyan

marka hai sher-goi

sahl mat jaano miyan

phir wahi kaghaz qalam

phir wahi kar-e-ziyan