maut aai hai zamane ki to mar jaane do
maut aa.ī hai zamāne kī to mar jaane do
kam se kam us kī javānī to guzar jaane do
jaag uTTheñge ham abhī aisī zarūrat kyā hai
dhuup dīvār se kuchh aur utar jaane do
muddateñ ho ga.iiñ ik baat mire zehn meñ hai
sochtā huuñ tumheñ batlā.ūñ magar jaane do
gardish-e-vaqt kā kitnā hai kushāda āñgan
ab to mujh ko isī āñgan meñ bikhar jaane do
ḳhush-nasībī se idhar ātish-e-ġham ḳhuub hai tez
dosto ab mirī hastī ko nikhar jaane do
koī manzil nahīñ rah jā.egī sar hone ko
aadmī ko zarā allāh se Dar jaane do
toḌ do baḌh ke ye mafrūza vafāoñ ke hisār
dil kī āvāz jidhar jaa.e udhar jaane do
vaqt ke haath kā pheñkā huā patthar huuñ maiñ
ab to mujh ko kisī shīshe meñ utar jaane do
uljhaneñ ḳhatm na kyuuñ hoñgī zamāne kī 'alīm'
un ke uljhe hue gesū to sañvar jaane do
maut aai hai zamane ki to mar jaane do
kam se kam us ki jawani to guzar jaane do
jag uTThenge hum abhi aisi zarurat kya hai
dhup diwar se kuchh aur utar jaane do
muddaten ho gain ek baat mere zehn mein hai
sochta hun tumhein batlaun magar jaane do
gardish-e-waqt ka kitna hai kushada aangan
ab to mujh ko isi aangan mein bikhar jaane do
KHush-nasibi se idhar aatish-e-gham KHub hai tez
dosto ab meri hasti ko nikhar jaane do
koi manzil nahin rah jaegi sar hone ko
aadmi ko zara allah se Dar jaane do
toD do baDh ke ye mafruza wafaon ke hisar
dil ki aawaz jidhar jae udhar jaane do
waqt ke hath ka phenka hua patthar hun main
ab to mujh ko kisi shishe mein utar jaane do
uljhanen KHatm na kyun hongi zamane ki 'alim'
un ke uljhe hue gesu to sanwar jaane do
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
