maut aati nahin qarine ki
maut aatī nahīñ qarīne kī
ye sazā mil rahī hai jiine kī
mai se parhez shaiḳh tauba karo
ik yahī chiiz to hai piine kī
tumheñ kahtā hai aa.ina ḳhud-bīñ
bāteñ sunte ho is kamīne kī
ho gayā jab se be-naqāb koī
sham.a raushan na phir kisī ne kī
chashm-e-tar aabrū tū paidā kar
yuuñ nahīñ bujhtī aag siine kī
ahl-e-duniyā se kyā badī kā gilā
ai 'tapish' tū ne kis se kī nekī
maut aati nahin qarine ki
ye saza mil rahi hai jine ki
mai se parhez shaiKH tauba karo
ek yahi chiz to hai pine ki
tumhein kahta hai aaina KHud-bin
baaten sunte ho is kamine ki
ho gaya jab se be-naqab koi
shama raushan na phir kisi ne ki
chashm-e-tar aabru tu paida kar
yun nahin bujhti aag sine ki
ahl-e-duniya se kya badi ka gila
ai 'tapish' tu ne kis se ki neki
- Book : Noquush (Pg. B-337 E345)
- Publication : Nuqoosh Press Lahore (May June 1954)
- Edition : May June 1954
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
