maut apni jaan ai dil gardish-e-aflak ko

maut apnī jaan ai dil gardish-e-aflāk ko

Dūbne kā ḳhauf hai girdāb meñ tairāk ko

ḳhud ḳhajil ho jis ko raushan-dil se ho nāhaq ġhubār

muñh pe paḌtī hai jo muñh par pheñkte haiñ ḳhaak ko

mar ga.e par bhī tah-o-bālā rahā apnā ġhubār

shīsha-e-sā.at meñ rakhte haiñ hamārī ḳhaak ko

basta-e-fitrāk hote haiñ hazāroñ bulbuleñ

jaan kar bāb-e-gulistāñ halqa-e-fitrāk ko

kyā ajab gar ustuḳhvāñ raushan hoñ dāġh-e-ishq se

ik sharar shola banātā hai ḳhas-o-ḳhāshāk ko

ḳhuub sā jī khol kar āvāra kar ai ishq-e-yār

ḳhauf-e-rusvā.ī nahīñ aslan dil-e-bebāk ko

hijr meñ piitā huuñ ḳhūn-e-dil mai-e-gulgūñ kī rañg

daur-e-sāġhar jāntā huuñ gardish-e-aflāk ko

kyā nahīñ tāzīr miltī hai gunāh-e-ishq kī

ātish-e-furqat jahannam hai dil-e-ġhamnāk ko

kījiye naale ba-rañg-e-bulbul ai dil gar kabhī

TukḌe TukḌe misl-e-gul kar le terī poshāk ko

rauñd Daalā hai zamīn-e-sher se tā-charḳh-e-fikr

rok le 'arsh' ab inān-e-tausan-e-chālāk ko

maut apni jaan ai dil gardish-e-aflak ko

Dubne ka KHauf hai girdab mein tairak ko

KHud KHajil ho jis ko raushan-dil se ho nahaq ghubar

munh pe paDti hai jo munh par phenkte hain KHak ko

mar gae par bhi tah-o-baala raha apna ghubar

shisha-e-saat mein rakhte hain hamari KHak ko

basta-e-fitrak hote hain hazaron bulbulen

jaan kar bab-e-gulistan halqa-e-fitrak ko

kya ajab gar ustuKHwan raushan hon dagh-e-ishq se

ek sharar shola banata hai KHas-o-KHashak ko

KHub sa ji khol kar aawara kar ai ishq-e-yar

KHauf-e-ruswai nahin aslan dil-e-bebak ko

hijr mein pita hun KHun-e-dil mai-e-gulgun ki rang

daur-e-saghar jaanta hun gardish-e-aflak ko

kya nahin tazir milti hai gunah-e-ishq ki

aatish-e-furqat jahannam hai dil-e-ghamnak ko

kijiye nale ba-rang-e-bulbul ai dil gar kabhi

TukDe TukDe misl-e-gul kar le teri poshak ko

raund Dala hai zamin-e-sher se ta-charKH-e-fikr

rok le 'arsh' ab inan-e-tausan-e-chaalak ko