maut kya dard ka bahana hai

maut kyā dard kā bahānā hai

zindagī ġham kā ānā-jānā hai

āḳhirī saañs roke rakhtā huuñ

terā va.ada abhī nibhānā hai

dil meñ din-rāt dard uThtā hai

ġham kā ik mustaqil Thikānā hai

tere bāzār meñ bikūñ shāyad

dil kā har qarz jo chukānā hai

tujh se kar ke vafā kī ummīdeñ

hasb-e-ma.amūl dil dukhānā hai

ab zamāne kī dī huī duurī

ek kamzor sā bahānā hai

phir merī aab aab āñkhoñ ko

apnī hālat pe muskurānā hai

phir se ye aabrū baḌhe na kahīñ

phir tere aage sar jhukānā hai

muskurā kar terā badal jaanā

bhuul jaanā hai yaad aanā hai

chhīnā bāliġh se maut kā dāman

zindagī aur kyā dikhānā hai

maut kya dard ka bahana hai

zindagi gham ka aana-jaana hai

aaKHiri sans roke rakhta hun

tera wada abhi nibhana hai

dil mein din-raat dard uThta hai

gham ka ek mustaqil Thikana hai

tere bazar mein bikun shayad

dil ka har qarz jo chukana hai

tujh se kar ke wafa ki ummiden

hasb-e-mamul dil dukhana hai

ab zamane ki di hui duri

ek kamzor sa bahana hai

phir meri aab aab aankhon ko

apni haalat pe muskurana hai

phir se ye aabru baDhe na kahin

phir tere aage sar jhukana hai

muskura kar tera badal jaana

bhul jaana hai yaad aana hai

chhina baaligh se maut ka daman

zindagi aur kya dikhana hai