maut ne fursat nikali hai abhi

maut ne fursat nikālī hai abhī

ġham se rāhat milne vaalī hai abhī

jo dilā.ī thī kitābeñ bech kar

us ke kānoñ meñ vo baalī hai abhī

aao yaaro tum bhī thoḌā zor do

ishq kī gardan dabā lī hai abhī

aa ke vo zaḳhmoñ se dil bhar jā.egā

laakh behtar hai ki kHālī hai abhī

daaġh banñe meñ abhī kuchh vaqt hai

maiñ ne jo ummīd paalī hai abhī

mil gayā ik shaḳhs mujh sā hū-ba-hū

jism kī ḳhalvat khañgālī hai abhī

kal vo phir koī bahāne aa.egī

chārasāzī se jo Taalī hai abhī

jal rahe haiñ sozish-e-manzar se paañv

go 'safar' saarā ḳhayālī hai abhī

maut ne fursat nikali hai abhi

gham se rahat milne wali hai abhi

jo dilai thi kitaben bech kar

us ke kanon mein wo baali hai abhi

aao yaro tum bhi thoDa zor do

ishq ki gardan daba li hai abhi

aa ke wo zaKHmon se dil bhar jaega

lakh behtar hai ki kHali hai abhi

dagh banne mein abhi kuchh waqt hai

main ne jo ummid pali hai abhi

mil gaya ek shaKHs mujh sa hu-ba-hu

jism ki KHalwat khangali hai abhi

kal wo phir koi bahane aaegi

chaarasazi se jo Tali hai abhi

jal rahe hain sozish-e-manzar se panw

go 'safar' sara KHayali hai abhi