maut ne likh diya kafan pe mere

maut ne likh diyā kafan pe mire

bojh sāñsoñ kā thā badan pe mire

zindagī ne masal diyā tujh ko

silvaTeñ paḌ ga.iiñ kafan pe mire

rang lagne lagā hai saḌkoñ par

kitne ehsān haiñ thakan pe mire

qaht kyā paḌ gayā sadāoñ kā

shor chaspāñ hai kyoñ dahan pe mire

kaun ubhrā mire tasavvur meñ

kis kī parchhā.īñ hai suḳhan pe mire

zindagī lafz lafz likhtā huuñ

harf aa.e na fikr-o-fan pe mire

baḌh gayā roz kī tarah 'sālim'

ik shigāf aur pairahan pe mire

maut ne likh diya kafan pe mere

bojh sanson ka tha badan pe mere

zindagi ne masal diya tujh ko

silwaTen paD gain kafan pe mere

rang lagne laga hai saDkon par

kitne ehsan hain thakan pe mere

qaht kya paD gaya sadaon ka

shor chaspan hai kyon dahan pe mere

kaun ubhra mere tasawwur mein

kis ki parchhain hai suKHan pe mere

zindagi lafz lafz likhta hun

harf aae na fikr-o-fan pe mere

baDh gaya roz ki tarah 'salim'

ek shigaf aur pairahan pe mere