maut se khelna KHatron ki nazar mein rahna

maut se khelnā ḳhatroñ kī nazar meñ rahnā

merī majbūrī hai dushman ke asar meñ rahnā

jab se us gul kā bahāroñ se huā hai rishta

chāhtā hī nahīñ us din se shajar meñ rahnā

manzileñ chāñd sitāroñ kī agar paanā hai

tum isī tarah mire saath safar meñ rahnā

aish ke ye dar-o-dīvār mubārak hoñ tumheñ

aa gayā raas hameñ rāhguzar meñ rahnā

sar-phirī tez havāoñ ko gavāra kab hai

chand sūkhe hue pattoñ kā shajar meñ rahnā

shukr hai apnā ilāqa nahīñ aayā zad meñ

aag jab tak na bujhe shahr kī ghar meñ rahnā

hādsoñ kā vo asar zehn pe chhāyā hai 'nasīm'

ki jahāñ rahnā vahīñ ḳhauf-o-ḳhatar meñ rahnā

maut se khelna KHatron ki nazar mein rahna

meri majburi hai dushman ke asar mein rahna

jab se us gul ka bahaaron se hua hai rishta

chahta hi nahin us din se shajar mein rahna

manzilen chand sitaron ki agar pana hai

tum isi tarah mere sath safar mein rahna

aish ke ye dar-o-diwar mubarak hon tumhein

aa gaya ras hamein rahguzar mein rahna

sar-phiri tez hawaon ko gawara kab hai

chand sukhe hue patton ka shajar mein rahna

shukr hai apna ilaqa nahin aaya zad mein

aag jab tak na bujhe shahr ki ghar mein rahna

hadson ka wo asar zehn pe chhaya hai 'nasim'

ki jahan rahna wahin KHauf-o-KHatar mein rahna