maut se wo na zindagi se mile

maut se vo na zindagī se mile

roz-o-shab kī jo be-ḳhudī se mile

ham ne jaanā fareb khāne par

kyā sile ham ko zindagī se mile

be-dilī se mile hameñ ahbāb

ham raqīboñ se bhī ḳhushī se mile

un ke qadmoñ pe jhuk ga.ī duniyā

jo mohabbat se ājizī se mile

laash par aaj aa.e rone ko

umr bhar saare be-ruḳhī se mile

dil meñ hasrat hai maut kī ai 'zahīr'

yuuñ to milne ko ham sabhī se mile

maut se wo na zindagi se mile

roz-o-shab ki jo be-KHudi se mile

hum ne jaana fareb khane par

kya sile hum ko zindagi se mile

be-dili se mile hamein ahbab

hum raqibon se bhi KHushi se mile

un ke qadmon pe jhuk gai duniya

jo mohabbat se aajizi se mile

lash par aaj aae rone ko

umr bhar sare be-ruKHi se mile

dil mein hasrat hai maut ki ai 'zahir'

yun to milne ko hum sabhi se mile