mawaqe ishq ke wo ab kahan hain

mavāqe ishq ke vo ab kahāñ haiñ

adā.eñ yaar kī dard-e-zabāñ haiñ

nahīñ bantī hai aapas meñ koī baat

hamāre darmiyāñ kuchh talḳhiyāñ haiñ

hameñ milne nahīñ ab koī aatā

muqaddar meñ yahī tanhā.iyāñ haiñ

haiñ ye bhī ek hissa zindagī kā

idhar dukh haiñ udhar shahnā.iyāñ haiñ

palaT kar jā nahīñ sakte vatan meñ

hamārī raah meñ barbādiyāñ haiñ

na jaao ḳhud hameñ paḌh lo sabaq lo

hamī maġhrib-zadoñ kī dāstāñ haiñ

na khulvāo mirā muñh anjuman meñ

mire dil meñ ka.ī bāteñ nihāñ haiñ

vafā baḌhtī hai jin rishtoñ se ai dost

vahī rishte hamāre darmiyāñ haiñ

nazar aatā nahīñ sachchā.ī kā lafz

ye kaise rahnumāoñ ke bayāñ haiñ

mawaqe ishq ke wo ab kahan hain

adaen yar ki dard-e-zaban hain

nahin banti hai aapas mein koi baat

hamare darmiyan kuchh talKHiyan hain

hamein milne nahin ab koi aata

muqaddar mein yahi tanhaiyan hain

hain ye bhi ek hissa zindagi ka

idhar dukh hain udhar shahnaiyan hain

palaT kar ja nahin sakte watan mein

hamari rah mein barbaadiyan hain

na jao KHud hamein paDh lo sabaq lo

hami maghrib-zadon ki dastan hain

na khulwao mera munh anjuman mein

mere dil mein kai baaten nihan hain

wafa baDhti hai jin rishton se ai dost

wahi rishte hamare darmiyan hain

nazar aata nahin sachchai ka lafz

ye kaise rahnumaon ke bayan hain