mayassar KHud nigah-dari ki aasaish nahin rahti

mayassar ḳhud nigah-dārī kī āsā.ish nahīñ rahtī

mohabbat meñ to pesh-o-pas kī gunjā.ish nahīñ rahtī

añdhere aur bhī kuchh tez-raftārī se baḌhte haiñ

diyā koī jalāne kī jahāñ koshish nahīñ rahtī

ye dil to kis taraf jaane bahā kar le gayā hotā

nigāhoñ meñ agar vo sā.at-e-pursish nahīñ rahtī

mah-o-anjum se lauT aa.eñ ijāra-dār duniyā ke

jahāñ ye paañv rakhte haiñ vahāñ tābish nahīñ rahtī

bahut se phuul lahje ḳhaar hote ham ne dekhe haiñ

kisī shīrīñ-navā kī dil ko ab ḳhvāhish nahīñ rahtī

musallas kā ḳhat-e-sālis mujhe mil kar nahīñ detā

kabhī qismat se vo ruk jaa.e to bārish nahīñ rahtī

mayassar KHud nigah-dari ki aasaish nahin rahti

mohabbat mein to pesh-o-pas ki gunjaish nahin rahti

andhere aur bhi kuchh tez-raftari se baDhte hain

diya koi jalane ki jahan koshish nahin rahti

ye dil to kis taraf jaane baha kar le gaya hota

nigahon mein agar wo saat-e-pursish nahin rahti

mah-o-anjum se lauT aaen ijara-dar duniya ke

jahan ye panw rakhte hain wahan tabish nahin rahti

bahut se phul lahje KHar hote hum ne dekhe hain

kisi shirin-nawa ki dil ko ab KHwahish nahin rahti

musallas ka KHat-e-salis mujhe mil kar nahin deta

kabhi qismat se wo ruk jae to barish nahin rahti