maza bhi talKH nahin tha ye qahr kaisa tha

mazā bhī talḳh nahīñ thā ye qahr kaisā thā

utar rahā thā ragoñ meñ jo zahr kaisā thā

udaas sab the na.e mausamoñ kī aamad par

ga.ī rutoñ kā gila shahr shahr kaisā thā

nikal sake na kabhī māziyoñ kī ḳhandaq se

samā.atoñ pe sadāoñ kā qahr kaisā thā

kisī tarah koī tiryāq kārgar na huā

badan meñ phail gayā thā jo zahr kaisā thā

savālī saare tahī-dast hī palaT aa.e

darīche band the sab ke vo shahr kaisā thā

ḳhunuk havāoñ meñ thī terī guftugū kī miThās

vo terā zikr jo thā lahr lahr kaisā thā

maza bhi talKH nahin tha ye qahr kaisa tha

utar raha tha ragon mein jo zahr kaisa tha

udas sab the nae mausamon ki aamad par

gai ruton ka gila shahr shahr kaisa tha

nikal sake na kabhi maziyon ki KHandaq se

samaaton pe sadaon ka qahr kaisa tha

kisi tarah koi tiryaq kargar na hua

badan mein phail gaya tha jo zahr kaisa tha

sawali sare tahi-dast hi palaT aae

dariche band the sab ke wo shahr kaisa tha

KHunuk hawaon mein thi teri guftugu ki miThas

wo tera zikr jo tha lahr lahr kaisa tha