mazahib mein husn-e-shariat nahin hai

mazāhib meñ husn-e-sharī.at nahīñ hai

kisī ke bhī dil meñ muravvat nahīñ hai

tire naaz ḳhāmosh rah kar uThā leñ

vo pahlī sī apnī bhī hālat nahīñ hai

lagāyā gale maut ko dar na chhoḌā

ḳhatā ye nahīñ hai ye ġhaflat nahīñ hai

bhalā kaise toḌūñ maiñ rishta butoñ se

milegā ḳhudā aisī qismat nahīñ hai

sitamgar hai vo aur vo bevafā hai

ye kah duuñ use mujh meñ jur.at nahīñ hai

vahī chhoḌ jaane kā haiñ naam lete

ki jin ke liye dahr jannat nahīñ hai

ho dil meñ tire zo.am paidā ki jis se

abhī maiñ ne maanī vo minnat nahīñ hai

nahīñ us kī aadat yaqīñ laa.e mujh par

qasam khānā merī bhī fitrat nahīñ hai

'rafīq' uTh ga.ī hai jahāñ se mohabbat

kisī ke bhī dil meñ mohabbat nahīñ hai

mazahib mein husn-e-shariat nahin hai

kisi ke bhi dil mein murawwat nahin hai

tere naz KHamosh rah kar uTha len

wo pahli si apni bhi haalat nahin hai

lagaya gale maut ko dar na chhoDa

KHata ye nahin hai ye ghaflat nahin hai

bhala kaise toDun main rishta buton se

milega KHuda aisi qismat nahin hai

sitamgar hai wo aur wo bewafa hai

ye kah dun use mujh mein jurat nahin hai

wahi chhoD jaane ka hain nam lete

ki jin ke liye dahr jannat nahin hai

ho dil mein tere zoam paida ki jis se

abhi main ne mani wo minnat nahin hai

nahin us ki aadat yaqin lae mujh par

qasam khana meri bhi fitrat nahin hai

'rafiq' uTh gai hai jahan se mohabbat

kisi ke bhi dil mein mohabbat nahin hai