mazaq-e-zindagi paband-e-naKHwat jab nazar aaya

mazāq-e-zindagī pāband-e-naḳhvat jab nazar aayā

sarishtan bil-muqābil maslak-e-vahshat nazar aayā

fareb-e-be-ḳhudī kī rahnumā.ī ke bharose par

numā.ish-gāh ke har pech-o-ḳham se bhī guzar aayā

zamāne ko bahut jāñchā mire zauq-e-tajassus ne

magar har dil ḳhulūs-o-lutf se ḳhālī nazar aayā

vafā-dushman zamāna muskurātā hī rahā mujh par

magar maiñ dil kī baazī hosh kho kar jiit kar aayā

unheñ jaa.ez shikāyat hai mire andāz-e-vahshat se

maiñ jab aayā jahāñ aayā junūñ ke dosh par aayā

jhakole de rahī haiñ kasrat-e-ehsās kī maujeñ

madad ai nā-ḳhudā-e-dil ki tūfāñ zor par aayā

basā-auqāt āñkhoñ ne bahā.e be-bahā motī

mizāj-e-dost 'bāsit' jab mujhe barham nazar aayā

mazaq-e-zindagi paband-e-naKHwat jab nazar aaya

sarishtan bil-muqabil maslak-e-wahshat nazar aaya

fareb-e-be-KHudi ki rahnumai ke bharose par

numaish-gah ke har pech-o-KHam se bhi guzar aaya

zamane ko bahut jaancha mere zauq-e-tajassus ne

magar har dil KHulus-o-lutf se KHali nazar aaya

wafa-dushman zamana muskuraata hi raha mujh par

magar main dil ki bazi hosh kho kar jit kar aaya

unhen jaez shikayat hai mere andaz-e-wahshat se

main jab aaya jahan aaya junun ke dosh par aaya

jhakole de rahi hain kasrat-e-ehsas ki maujen

madad ai na-KHuda-e-dil ki tufan zor par aaya

basa-auqat aankhon ne bahae be-baha moti

mizaj-e-dost 'basit' jab mujhe barham nazar aaya