mazlum ka hai kaun madad-gar dekhna

mazlūm kā hai kaun madad-gār dekhnā

hai kaun zālimoñ kā parastār dekhnā

hai zer-e-teġh sar mirā mujh ko sukūñ hai

merī tarah hai kaun vafādār dekhnā

mere qalam ke vaar se nasloñ kā sar kaTā

mil jaa.e koī aisī jo talvār dekhnā

bhūkā na so.e jis kī hukūmat meñ koī bhī

kyā aisī koī miltī hai sarkār dekhnā

tum bhī zarā zamīn pe chal-phir ke dekh lo

Tiktī nahīñ hai zulm kī dīvār dekhnā

shikva bhulā ke ham ne bhī apnā liyā use

mujh sā nahīñ hai koī bhī dildār dekhnā

bīmār ho ke bhī vo shifā bāñTtā rahā

miltā hai aisā bhī koī bīmār dekhnā

us kī tarah hasīn milegā koī nahīñ

ik baar dekhnā nahīñ sau baar dekhnā

itnā yaqīñ hai lutf bahut aa.egā tumheñ

paḌh kar zarā 'turāb' ke ash.ār dekhnā

mazlum ka hai kaun madad-gar dekhna

hai kaun zalimon ka parastar dekhna

hai zer-e-tegh sar mera mujh ko sukun hai

meri tarah hai kaun wafadar dekhna

mere qalam ke war se naslon ka sar kaTa

mil jae koi aisi jo talwar dekhna

bhuka na soe jis ki hukumat mein koi bhi

kya aisi koi milti hai sarkar dekhna

tum bhi zara zamin pe chal-phir ke dekh lo

Tikti nahin hai zulm ki diwar dekhna

shikwa bhula ke hum ne bhi apna liya use

mujh sa nahin hai koi bhi dildar dekhna

bimar ho ke bhi wo shifa banTta raha

milta hai aisa bhi koi bimar dekhna

us ki tarah hasin milega koi nahin

ek bar dekhna nahin sau bar dekhna

itna yaqin hai lutf bahut aaega tumhein

paDh kar zara 'turab' ke ashaar dekhna