mazlum kisi dast-e-hinai ke nikalte

mazlūm kisī dast-e-hinā.ī ke nikalte

jo log irāde se gadā.ī ke nikalte

ġhazleñ mirī un par na girāñ itnī guzartīñ

pahlū jo kahīñ mad.h-sarā.ī ke nikalte

sayyād ko kyā jāniye kyā vahm guzartā

ahkām agar merī rihā.ī ke nikalte

barbādī-e-dil kā jo mirī chhiḌtā fasāna

afsāne tire dast-e-hinā.ī ke nikalte

mahrūmī-e-taqdīr kā ehsās na hotā

mauqe jo kisī dar pe rasā.ī ke nikalte

maiñ mohr-ba-lab thā yahī achchhā huā varna

ilzām mire sar hī burā.ī ke nikalte

ai 'shauq' mirā rang-e-ġhazal aur hī hotā

sadme jo mire dil se judā.ī ke nikalte

mazlum kisi dast-e-hinai ke nikalte

jo log irade se gadai ke nikalte

ghazlen meri un par na giran itni guzartin

pahlu jo kahin madh-sarai ke nikalte

sayyaad ko kya jaaniye kya wahm guzarta

ahkaam agar meri rihai ke nikalte

barbaadi-e-dil ka jo meri chhiDta fasana

afsane tere dast-e-hinai ke nikalte

mahrumi-e-taqdir ka ehsas na hota

mauqe jo kisi dar pe rasai ke nikalte

main mohr-ba-lab tha yahi achchha hua warna

ilzam mere sar hi burai ke nikalte

ai 'shauq' mera rang-e-ghazal aur hi hota

sadme jo mere dil se judai ke nikalte