مضمون اچھوتا بھی ہو اشعار نئے ہوں

مضمون اچھوتا بھی ہو اشعار نئے ہوں

ہو بات غزل میں نئی افکار نئے ہوں

کلیاں بھی نئی پھول نئے خار نئے ہوں

نظروں کا تقاضہ ہے کہ گلزار نئے ہوں

پھر آ کے ذرا کیجئے تجدید محبت

دل کی یہ تمنا ہے کہ آزار نئے ہوں

اس طرح سے ترتیب دو اب ساز محبت

کچھ تار پرانے بھی ہوں کچھ تار نئے ہوں

مضمون بہت ہی ہے پرانا ترا شاعر

اور وقت یہ کہتا ہے کہ افکار نئے ہوں

مے خانے کی ہر شے کو بدل دیجئے تشنہؔ

ساقی بھی مئے و جام بھی مے خوار نئے ہوں