meyar-e-do-jahan ke muqaddar ka rizq hain

me'yār-e-do-jahāñ ke muqaddar kā rizq haiñ

mahv-e-tavāf chīzeñ hī mehvar kā rizq haiñ

hiss-e-jamāl tez ho zor-e-sipāh se

varna to bahr-o-bar bhī sikandar kā rizq haiñ

tujh se bichhaḌ ke tujh meñ hī honā hai munhadim

aise bhī kashtī-bān samundar kā rizq haiñ

hadd-e-shu'ūr hai hī yahī is jahān meñ

jitne zahīn log haiñ daftar kā rizq haiñ

ye kah ke ahl-e-dil ġham-e-duniyā ko sah ga.e

dhakke to aadmī ke muqaddar kā rizq haiñ

shahr-e-ġhalat meñ tazkira-e-ḳhair-o-shar nahīñ

vaise bhī falsafī yahāñ bandar kā rizq haiñ

me'yar-e-do-jahan ke muqaddar ka rizq hain

mahw-e-tawaf chizen hi mehwar ka rizq hain

hiss-e-jamal tez ho zor-e-sipah se

warna to bahr-o-bar bhi sikandar ka rizq hain

tujh se bichhaD ke tujh mein hi hona hai munhadim

aise bhi kashti-ban samundar ka rizq hain

hadd-e-shu'ur hai hi yahi is jahan mein

jitne zahin log hain daftar ka rizq hain

ye kah ke ahl-e-dil gham-e-duniya ko sah gae

dhakke to aadmi ke muqaddar ka rizq hain

shahr-e-ghalat mein tazkira-e-KHair-o-shar nahin

waise bhi falsafi yahan bandar ka rizq hain