mehnat ki kamai pe qanaat nahin karta

mehnat kī kamā.ī pe qanā.at nahīñ kartā

bandoñ kī tarah kyā vo ibādat nahīñ kartā

chhoToñ se vo tāzīm kī ummīd na rakkhe

jo apne baḌoñ kī kabhī izzat nahīñ kartā

bachchoñ ko sunātā hai buzurgoñ kī kahānī

vo apnī rivāyat se baġhāvat nahīñ kartā

ġhurbat meñ bichhā detā hai qālīn-e-mohabbat

mehmān kī aamad pe shikāyat nahīñ kartā

buzdil bhī vo kahlāne se Dartā hai jahāñ meñ

sach bolne kī bhī kabhī jur.at nahīñ kartā

is vāste kuchh log ḳhafā rahte haiñ us se

'shabbīr' kisī raa.ī ko parbat nahīñ kartā

mehnat ki kamai pe qanaat nahin karta

bandon ki tarah kya wo ibaadat nahin karta

chhoTon se wo tazim ki ummid na rakkhe

jo apne baDon ki kabhi izzat nahin karta

bachchon ko sunata hai buzurgon ki kahani

wo apni riwayat se baghawat nahin karta

ghurbat mein bichha deta hai qalin-e-mohabbat

mehman ki aamad pe shikayat nahin karta

buzdil bhi wo kahlane se Darta hai jahan mein

sach bolne ki bhi kabhi jurat nahin karta

is waste kuchh log KHafa rahte hain us se

'shabbir' kisi rai ko parbat nahin karta