mehr-o-ulfat ka tarana ek fasana ho gaya

mehr-o-ulfat kā tarāna ik fasāna ho gayā

mahv-e-hairat huuñ ki kyā se kyā zamāna ho gayā

shoḳhiyāñ bebākiyāñ sab rafta rafta kam huiiñ

iltifāt-e-yār jab se sūqiyāna ho gayā

dhamkīyoñ ke saa.e meñ ab desh chal saktā nahīñ

daao yaaro ye siyāsat kā purānā ho gayā

gardish-e-ayyām ne chhoḌā kahāñ lā kar mujhe

jo kahānī thī mirī un kā fasāna ho gayā

vāqi.āt-e-umr-e-rafta yaad sab aane lage

zindagī se phir mirā rishta purānā ho gayā

ik sukūñ dil ko milā aur ruuh ko rāhat milī

jab ta.āruf un se merā ġhā.ebāna ho gayā

rok sakte haiñ kahāñ vo qīmateñ petrol kī

tel par dushman kā qabza ġhāsibāna ho gayā

aap ke aate hī ghar meñ raunaqeñ baḌhne lagīñ

aaj kā 'bedār' mausam bhī suhānā ho gayā

mehr-o-ulfat ka tarana ek fasana ho gaya

mahw-e-hairat hun ki kya se kya zamana ho gaya

shoKHiyan bebakiyan sab rafta rafta kam huin

iltifat-e-yar jab se suqiyana ho gaya

dhamkiyon ke sae mein ab desh chal sakta nahin

dao yaro ye siyasat ka purana ho gaya

gardish-e-ayyam ne chhoDa kahan la kar mujhe

jo kahani thi meri un ka fasana ho gaya

waqiat-e-umr-e-rafta yaad sab aane lage

zindagi se phir mera rishta purana ho gaya

ek sukun dil ko mila aur ruh ko rahat mili

jab taaruf un se mera ghaebana ho gaya

rok sakte hain kahan wo qimaten petrol ki

tel par dushman ka qabza ghasibana ho gaya

aap ke aate hi ghar mein raunaqen baDhne lagin

aaj ka 'bedar' mausam bhi suhana ho gaya