mehrban mujh pe koi naz ka pala hota

mehrbāñ mujh pe koī naaz kā paalā hotā

merā pahlū bhī kisī chāñd kā haalā hotā

phir dikhātā tire jalvoñ kā fusūñ gar tujh ko

merī āñkhoñ se koī dekhne vaalā hotā

gar muyassar na thī duniyā meñ masarrat tujh ko

ziist ko dard ke sāñche hī meñ Dhālā hotā

ranj-o-ġham ek haiñ is kār-gah-e-hastī ke

dil kī āñkhoñ se magar dekhne vaalā hotā

chun liyā mujh ko ki manshā-e-mashiyyat thā yahī

husn kā tere koī chāhne vaalā hotā

harf aa kar hī rahā tere karam par saaqī

girne vaale ko kisī ne to sañbhālā hotā

rāz-e-dil kah ke unheñ kar diyā ḳhud-bīñ 'sāhir'

yuuñ mohabbat ko musībat meñ na Daalā hotā

mehrban mujh pe koi naz ka pala hota

mera pahlu bhi kisi chand ka haala hota

phir dikhata tere jalwon ka fusun gar tujh ko

meri aankhon se koi dekhne wala hota

gar muyassar na thi duniya mein masarrat tujh ko

zist ko dard ke sanche hi mein Dhaala hota

ranj-o-gham ek hain is kar-gah-e-hasti ke

dil ki aankhon se magar dekhne wala hota

chun liya mujh ko ki mansha-e-mashiyyat tha yahi

husn ka tere koi chahne wala hota

harf aa kar hi raha tere karam par saqi

girne wale ko kisi ne to sanbhaala hota

raaz-e-dil kah ke unhen kar diya KHud-bin 'sahir'

yun mohabbat ko musibat mein na Dala hota