mein kya hun kaun hun ye batane se main raha

meñ kyā huuñ kaun huuñ ye batāne se maiñ rahā

ab ḳhud ko ḳhud se ḳhud ko milāne se maiñ rahā

maiñ laḌ paḌā huuñ aaj ḳhud apne ḳhilāf hī

ab darmiyāñ se ḳhud ko haTāne se maiñ rahā

hai zindagī asīr-e-adam jāntā huuñ maiñ

duniyā tire fareb meñ aane se maiñ rahā

mujh meñ kahāñ hai tujh se judā.ī kā hausla

ai merī jaan tujh ko gañvāne se maiñ rahā

vahshat bhī apnī itnī ta.aqqul pasand hai

dasht-e-junūñ meñ ḳhaak uḌāne se maiñ rahā

haañ vaz-e-ehtiyāt kā qaa.il nahīñ huuñ meñ

jo zaḳhm hai jigar meñ chhupāne se maiñ rahā

vo log merā nām-o-nasab pūchhte haiñ ab

jin kī nazar meñ ek zamāne se maiñ rahā

kuchh yaar mere itne satā.ish pasand haiñ

'shāhid' ab un ko sher sunāne se maiñ rahā

mein kya hun kaun hun ye batane se main raha

ab KHud ko KHud se KHud ko milane se main raha

main laD paDa hun aaj KHud apne KHilaf hi

ab darmiyan se KHud ko haTane se main raha

hai zindagi asir-e-adam jaanta hun main

duniya tere fareb mein aane se main raha

mujh mein kahan hai tujh se judai ka hausla

ai meri jaan tujh ko ganwane se main raha

wahshat bhi apni itni taqqul pasand hai

dasht-e-junun mein KHak uDane se main raha

han waz-e-ehtiyat ka qail nahin hun mein

jo zaKHm hai jigar mein chhupane se main raha

wo log mera nam-o-nasab puchhte hain ab

jin ki nazar mein ek zamane se main raha

kuchh yar mere itne sataish pasand hain

'shahid' ab un ko sher sunane se main raha