mein na kahta tha ki shahron mein na ja yar mere

meñ na kahtā thā ki shahroñ meñ na jā yaar mire

soñdhī miTTī hī meñ hotī hai vafā yaar mire

koī TuuTe hue ḳhvāboñ se kahāñ miltā hai

har jagah dard kā bistar na lagā yaar mire

silsila phir se juḌā hai to juḌā rahne de

dil ke rishtoñ ko tamāsha na banā yaar mire

apnī chāhat ke shab-o-roz mukammal kar le

jā ye sūraj bhī tire naam kiyā yaar mire

tujh se miltā huuñ to rishta koī yaad aatā hai

silsila mujh se ziyāda na baḌhā yaar mire

aisā lagtā hai ki kuchh TuuT rahā hai mujh meñ

chhoḌ ke tū mujhe is vaqt na jā yaar mire

ḳhush-nasībī se ye saa.at tire haath aa.ī hai

āsmāñ jhukne lagā haath baḌhā yaar mire

mein na kahta tha ki shahron mein na ja yar mere

sondhi miTTi hi mein hoti hai wafa yar mere

koi TuTe hue KHwabon se kahan milta hai

har jagah dard ka bistar na laga yar mere

silsila phir se juDa hai to juDa rahne de

dil ke rishton ko tamasha na bana yar mere

apni chahat ke shab-o-roz mukammal kar le

ja ye suraj bhi tere nam kiya yar mere

tujh se milta hun to rishta koi yaad aata hai

silsila mujh se ziyaada na baDha yar mere

aisa lagta hai ki kuchh TuT raha hai mujh mein

chhoD ke tu mujhe is waqt na ja yar mere

KHush-nasibi se ye saat tere hath aai hai

aasman jhukne laga hath baDha yar mere