merā darmāñ hai na ka.abe meñ na but-ḳhāne meñ
riñd huuñ mujh ko paḌā rahne do mai-ḳhāne meñ
us ko samjhī hai na samjhegī majāzī duniyā
hai haqīqat hī haqīqat mire afsāne meñ
liye phirtī hai mujhe manzil-e-jānāñ kī talāsh
chain hāsil hai gulistāñ meñ na vīrāne meñ
un ke kahne se use toḌ duuñ kaise āḳhir
ilm jin ko nahīñ kyā hai mire paimāne meñ
rabt-e-bāham bhī ajab shai hai gale milte hī
sham.a kā nuur nazar aatā hai parvāne meñ
husn rū-posh hai to diid ke qābil kyā hai
ab kise dekhūñ bhalā dahr ke ġham-ḳhāne meñ
sīñche jaao ise tum apne lahū se kashfī
phuul khil jā.eñge ik din isī vīrāne meñ
mera darman hai na kabe mein na but-KHane mein
rind hun mujh ko paDa rahne do mai-KHane mein
us ko samjhi hai na samjhegi majazi duniya
hai haqiqat hi haqiqat mere afsane mein
liye phirti hai mujhe manzil-e-jaanan ki talash
chain hasil hai gulistan mein na virane mein
un ke kahne se use toD dun kaise aaKHir
ilm jin ko nahin kya hai mere paimane mein
rabt-e-baham bhi ajab shai hai gale milte hi
shama ka nur nazar aata hai parwane mein
husn ru-posh hai to did ke qabil kya hai
ab kise dekhun bhala dahr ke gham-KHane mein
sinche jao ise tum apne lahu se kashfi
phul khil jaenge ek din isi virane mein
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
