mera dast-e-arzu phaila hua

merā dast-e-ārzū phailā huā

aur us ne haath hai khīñchā huā

dasht meñ mujh ko sadā detā hai kaun

kaun aayā hai yahāñ bhaTkā huā

itnā dauḌā huuñ sarāboñ kī taraf

bahte dariyāoñ pe bhī dhokā huā

kyā amaañ māñgūñ maiñ us se jaan kī

jāñkanī meñ hai jo ḳhud uljhā huā

jis taraf dekho jazīre ban ga.e

kyā samundar bhī hai ab simTā huā

qais kī mīrās mere paas hai

nāqa-e-lailā ko DhūñDo kyā huā

kuchh na thā bas jiddat-e-alfāz thī

us kā har mazmūn be-ma.anī huā

maiñ ne saarī raat kī jis kī talāsh

sub.h vo sūraj milā Duubā huā

ahd thā merā to patthar kī lakīr

kachchā dhāgā us kā har va.adā huā

mera dast-e-arzu phaila hua

aur us ne hath hai khincha hua

dasht mein mujh ko sada deta hai kaun

kaun aaya hai yahan bhaTka hua

itna dauDa hun sarabon ki taraf

bahte dariyaon pe bhi dhoka hua

kya aman mangun main us se jaan ki

jaankani mein hai jo KHud uljha hua

jis taraf dekho jazire ban gae

kya samundar bhi hai ab simTa hua

qais ki miras mere pas hai

naqa-e-laila ko DhunDo kya hua

kuchh na tha bas jiddat-e-alfaz thi

us ka har mazmun be-mani hua

main ne sari raat ki jis ki talash

subh wo suraj mila Duba hua

ahd tha mera to patthar ki lakir

kachcha dhaga us ka har wada hua