mera KHuda ho mujh mui nashad ki taraf

merā ḳhudā ho mujh muī nāshād kī taraf

ammāñ bhī boltī haiñ to dāmād kī taraf

aulād bhūkoñ martī hai ghar meñ safā.ī hai

jhāḌū-phirā chalā gayā baġhdād kī taraf

jannat kī aarzū thī vo duniyā se uTh ga.ī

ab jā ke kyā karūñ mue shaddād kī taraf

kyā jaane kis ne Daal diyā us ke dil meñ bal

muḌ kar bhī dekhtā nahīñ aulād kī taraf

munsif nigoḌā dekh ke ranDī phisal paḌā

bhaḌve ko kyā ḳhayāl ho rūdād kī taraf

ghuTnā jhukā to apnī hī jānib jhukā bahan

samdhan bhī bolne lagīñ dāmād kī taraf

is maut se kisī ko nahīñ ai bahan najāt

laa.ī hai gher gher ke jallād kī taraf

muñh par to do hī āñkheñ haiñ pahlū tire hazār

ab tujh ko dekhūñ yā tirī ījād kī taraf

sadme pe sadme detā hai din raat marduvā

'shaidā' kabhī na jā.ūñgī jallād kī taraf

mera KHuda ho mujh mui nashad ki taraf

amman bhi bolti hain to damad ki taraf

aulad bhukon marti hai ghar mein safai hai

jhaDu-phira chala gaya baghdad ki taraf

jannat ki aarzu thi wo duniya se uTh gai

ab ja ke kya karun mue shaddad ki taraf

kya jaane kis ne Dal diya us ke dil mein bal

muD kar bhi dekhta nahin aulad ki taraf

munsif nigoDa dekh ke ranDi phisal paDa

bhaDwe ko kya KHayal ho rudad ki taraf

ghuTna jhuka to apni hi jaanib jhuka bahan

samdhan bhi bolne lagin damad ki taraf

is maut se kisi ko nahin ai bahan najat

lai hai gher gher ke jallad ki taraf

munh par to do hi aankhen hain pahlu tere hazar

ab tujh ko dekhun ya teri ijad ki taraf

sadme pe sadme deta hai din raat marduwa

'shaida' kabhi na jaungi jallad ki taraf