mera lab-e-KHamosh agar iltija kare

merā lab-e-ḳhamosh agar iltijā kare

shāyad tirī nigāh-e-karam e'tinā kare

allāh zor-e-be-asarī kā bhalā kare

yaksāñ hai koī naala kare yā duā kare

dil e'timād-e-vāda-e-sabr-āzmā kare

kaam apnā terī shoḳhī-e-tāqat-rubā kare

us kā shabāb josh pe aa.e ḳhudā kare

dil zindagī se haath uThā kar duā kare

gar ho sake to itnā shahīd-e-jafā kare

teġh-e-nigāh-e-yār ke haq meñ duā kare

parvāna daur-e-gard-e-bisāt-e-umīd ho

dar-parda sham.a-e-bazm-e-mohabbat jalā kare

īzā-kushī kā daur bahār-e-hayāt hai

dil apnā gul-faroshī-e-dāġh-e-jafā kare

kuchh iḳhtiyār bhī hai jo majbūriyāñ haiñ kuchh

is kashmakash meñ kahiye to insān kyā kare

pahuñche ye arsh par bhī to parvā na ho unheñ

kahiye to naala merā rasā ho ke kyā kare

āh-e-falak-rasā se to kuchh bhī na ho sakā

shāyad ki kuchh bulandī-e-dast-e-duā kare

majbūrī-e-atam meñ hai zor iḳhtiyār kā

jo kaam mujh se ho na sake vo ḳhudā kare

qur.ān meñ likhā hai jo lā-taqnatū sarīh

zauq-e-nigāh kahiye to kyūñkar ḳhatā kare

kyoñ chheḌeñ shoḳhiyāñ dil-e-shorish-pasand ko

kyoñ baiThe baiThe koī qayāmat bapā kare

phir daam meñ phañsūñgā ki maiñ said-e-shauq huuñ

sayyād mashq ke liye mujh ko rihā kare

lab āshnā-e-ārzū-e-dil kabhī na ho

aur mājrā-e-ishq kā qissa huā kare

'bedil' jo mast ho ḳhabar-e-fasl-e-gul se vo

da.avā-e-pārsā.ī-e-be-sarfa kyā kare

mera lab-e-KHamosh agar iltija kare

shayad teri nigah-e-karam e'tina kare

allah zor-e-be-asari ka bhala kare

yaksan hai koi nala kare ya dua kare

dil e'timad-e-wada-e-sabr-azma kare

kaam apna teri shoKHi-e-taqat-ruba kare

us ka shabab josh pe aae KHuda kare

dil zindagi se hath uTha kar dua kare

gar ho sake to itna shahid-e-jafa kare

tegh-e-nigah-e-yar ke haq mein dua kare

parwana daur-e-gard-e-bisat-e-umid ho

dar-parda shama-e-bazm-e-mohabbat jala kare

iza-kushi ka daur bahaar-e-hayat hai

dil apna gul-faroshi-e-dagh-e-jafa kare

kuchh iKHtiyar bhi hai jo majburiyan hain kuchh

is kashmakash mein kahiye to insan kya kare

pahunche ye arsh par bhi to parwa na ho unhen

kahiye to nala mera rasa ho ke kya kare

aah-e-falak-rasa se to kuchh bhi na ho saka

shayad ki kuchh bulandi-e-dast-e-dua kare

majburi-e-atam mein hai zor iKHtiyar ka

jo kaam mujh se ho na sake wo KHuda kare

quran mein likha hai jo la-taqnatu sarih

zauq-e-nigah kahiye to kyunkar KHata kare

kyon chheDen shoKHiyan dil-e-shorish-pasand ko

kyon baiThe baiThe koi qayamat bapa kare

phir dam mein phansunga ki main said-e-shauq hun

sayyaad mashq ke liye mujh ko riha kare

lab aashna-e-arzu-e-dil kabhi na ho

aur majra-e-ishq ka qissa hua kare

'bedil' jo mast ho KHabar-e-fasl-e-gul se wo

dawa-e-parsai-e-be-sarfa kya kare